Аймгийн Засаг даргын мөрийн хөтөлбөрт тусгагдсаны дагуу Ард иргэдээ сонсох VIII аяныг Ард иргэдээ сонсох, шийдвэр гаргах түвшинд иргэдийн оролцоог нэмэгдүүлэх, төр иргэний харилцаа холбоог өргөжүүлэн иргэн төвтэй төрийн тогтолцоог бэхжүүлэх, төрийн ажлыг ард иргэдээр үнэлүүлэх зорилгоор Тосонцэнгэл сумын 7 багт аймгийн ИТХ-ын дарга Ц.Балхярваагаар ахлуулсан ажлын хэсэг, Тосонцэнгэл сумын ИТХ, ЗДТГ-тай хамтран 2020 оны 01 дүгээр сарын 10-наас 20-ны өдрүүдэд ажиллаж байна. Энэхүү аяны хүрээнд сумын 7 багт ажиллах ажлын хэсэг явах чиглэлийн зураглалаа гарган нийт айл өрхийн 80, хүн амын 60-аас доошгүй хувийг хамруулах, сумын төрийн албан хаагчидтай уулзалт хийх, сумын ЗДТГ, бусад төрийн байгууллагын үйл ажиллагаанд батлагдсан шалгуур үзүүлэлтийн дагуу хяналт, үнэлгээ хийж, зөвлөн туслах ажлыг амжилттай зохион байгуулж байна.