2020 оны 02 дугаар сарын 14-ны өдрийн 10 цаг 15 минутад сумын Онцгой комисс цаг үеийн асуудлаар хуралдлаа.

Хурлаар аймгийн Засаг даргын албан даалгаврын хэрэгжилтийн тайланг тогтсон хугацаанд явуулах, албан байгууллагууд гамшгийн бэлэн байдлын төлөвлөгөөнд өөрчлөлт тодотгол хийх, Цагаан сарын баяр тэмдэглэхийг хориглосон Ерөнхийлөгчийн зарлигийг иргэдэд таниулах талаар хэлэлцлээ. Мөн онцгой комиссын даргын 02 дугаар сарын 13-ны өдрийн 04 тоот тушаалыг танилцууллаа.

“Сар шинэ-2020” нэгдсэн арга хэмжээний хүрээнд Тосонцэнгэл сум дахь сум дундын цагдаагийн хэлтсийн алба хаагчид тус суманд үйл ажиллагаа явуулж байгаа хувийн хэвшил болон дэлгүүрүүдэд сэрэмжлүүлэг зөвлөмж тарааж, гэмт хэрэг зөрчлөөс урьдчилан сэргийлэх талаар яриа таниулга хийж ажиллаа.