Аймгийн ИТХ-ын ээлжит долоодугаар хуралдаан амжилттай хуралдаж өндөрлөлөө. Хуралдаанаар аймгийн Засаг даргын үйл ажиллагааны хөтөлбөрийн 2021 оны төлөвлөгөөний хэрэгжилтийн явцыг хэлэлцээд" Тодорхой үр дүнд хүрсэн" гэж үнэлж аймгийн хөгжлийн 2022 оны төлөвлөгөөг баталлаа. Мөн аймгийн 2021 оны төсвийн төсөлд өөрчлөлт оруулах, 2022 оны төсвийг батлан орон нутгийн хөрөнгө оруулалт, ОНХС, замын сангийн хөрөнгөөр хийгдэх хөрөнгө оруулалт, хөтөлбөр арга хэмжээний жагсаалтыг хэлэлцэн баталлаа. Мөн Сүм хөх бүрд аялал жуулчлалын бодлого, үл хөдлөх хөрөнгийн албан татварын хувь, хэмжээ, газар нутгийг тусгай хэрэгцээнд авах тухай асуудлыг хэлэлцэн баталж Усны сан бүхий газрыг орон нутгийн тусгай хамгаалалтад авах асуудлыг хойшлуулаа.

Аймгийн ИТХ-ын 2021 оны үйл ажиллагааны тайланг видео хэлбэрээр танилцуулан, Цэнхэр алт ногоон хэрэм Монголын үндэсний усны ассоциаци НҮТББ-аас танилцуулга хийлээ.