АЙМАГ, НИЙСЛЭЛ, СУМ ДҮҮРГИЙН ИТХ-ЫН 2024 ОНЫ ЭЭЛЖИТ СОНГУУЛИЙН ҮР ДҮНГЭЭР БАЙГУУЛАГДСАН ЗАВХАН АЙМГИЙН ТОСОНЦЭНГЭЛ СУМЫН  ИТХ-ЫН АНХДУГААР ХУРАЛДААН БОЛЛОО.

 

Сумын ИТХ-ын анхдугаар хуралдаан 100 хувийн ирцтэй эхэллээ. Сумын  ИТХ-ын Төлөөлөгчөөр сонгогдсон хамгийн ахмад төлөөлөгч Б.Даваахүү сумын ИТХ-ын даргыг сонгогдох хүртэл хурлыг даргаллаа. 

 

Сумын  сонгуулийн хорооны нарийн бичгийн  дарга С.Дашсүрэн сонгуулийн дүн, төлөөлөгчдийн бүрэн эрхийг зөвшөөрүүлэх тухай мэдээллийг өгөв.

 

Ингээд 29-н Төлөөлөгч энгэрийн тэмдэг, үнэмлэхээ гардлаа. 

Сумын иргэдийн төлөөлөгчдийн Хурал анхдугаар хуралдаанаар хэлэлцэх асуудлуудаа бүрэн хэлэлцэж ИТХ-ын даргад  Төлөөлөгч  Д.Самдансүрэнг сонгож, Төлөөлөгчдийн олонхийн саналаар Сумын засаг даргад Төлөөлөгч Т.Бямбарагчааг өргөн мэдүүлэхээр шийдвэрлэлээ.